SYAIR LUHUTAN

SYAIR BINTATAR PANDINGDINGAN
Sopo Lumbansiantar Hutabalian

Sopo Lumbansiantar Hutabalian, parpunguan ni Sihombar Siampudan; Sundut patoluhon sian Toga Nainggolan
Papunguhon digotilon panguhalan di haleon.

Dianak inganan tading dapoton,
Diboru parningotan di hadumaon;
Pangalapan gogo di nagale, pangalualuan ni nabile.

Diari namangihut, diujung ni sundut;
Alatan tupamopar, partanda di pinompar.

Molo mumpat pe talutuk, tungpe sesa gadu gadu;
Molo muba pe adat uhum naburuk,
Disoluk adat uhum naimbaru; Unang lupa hita dipadan ditona ni ompu.

Bintatar pandindingan, panghongkopna hau simartolu;
Lumbansiantar do Hutabalian, Lumbantungkup masisolhotna

Opat tiang ni Sopo, palima hot di gulanggu langna;
Dua sapusok do Lumbansiantar (Ompu Ulangadian, Ompu Mingor), Tolu Sarurutan ma Hutabalian anggina (Ompu Guru Solindungon, Ompu Balian, Ompu Parmeam).

Rotak pe igung diatas papangan, tung soboi doi pabalion;
Lumbansiantar Hutabalian, tungpe nasongondia nangpedidia
Unang marsipasidingan.

Diudan habahaba ingkon marsitungkolan,
Di simbur las niari Sopo bahen parlinggoman;
Molo adong siluluhonon ringkot ma marsi sungkunan,
Molo dung diulahon dapot ma na niluluan;

Tudolok dapot lomak panjampalan,
Tu toruan dapot mual natio hangoluan.

Pir haraton pining, lambok haraton tobu;
Marsalisi hita nangkining, di botarina hita martatogu;

Ampapaga dolok ma, tu ampapaga ni hum bang;
Hita do marsogot, tong do hita haduan.

Asa ursa pongguk nabolon dibalian,
Mamolus didolokni Pangiringan;
Horas maulibulung Lumbansiantar Hutabalian,
Dohot boruna marsipairingiringan.

Horas, Horas, Horas !



Jakarta, 23-1-2008